१० जून १९५३ रोजी खारेपाटणला एक खोली भाड्याने घेऊन इ. ८ वी चा वर्ग सुरु केला. या १६ मुलांच्या एक शिक्षकी वर्गाचे अध्यापन सुरू झाले. तथापि ट्रेन्ड ग्रॅज्युएट शिक्षक, विद्यार्थ्यांची पुरेशी संख्या, ड्रॉईंग हॉल, विज्ञान हॉल, वगैरेनी युक्त अशी इमारत, खेळाचे मैदान, इत्यादिंची गोष्टींची पूर्तता झाल्याशिवाय या शाळेला सरकार मान्यता मिळू शकणार नाही. असे शिक्षण खात्याने मंडळाला कळविले होते. जून १९५४ मध्ये श्री. शां. तो. कावळे यांचे गोडाऊन वजा जुने घर शाळेसाठी भाड्याने घेण्यात आले. इ. ८ वीच्या १६ मुलातील १० मुलांनिशी ९ वीचा वर्ग सुरु करण्यात आला. इ. ८ वीत ही पुरेशी मुले नव्हती. म्हणून पेंढारकर पती-पत्नी व मंडळाचे कार्यकर्ते यांनी घरोघर व गावोगाव फिरुन मुले जमविली. दोन्ही वर्गात ४८ मुले झाली आणि शिक्षण खात्याच्या सर्व अटी पूर्ण करण्यात आल्या. सौ. पेंढारकर बाई मुख्याध्यापिका म्हणून काम पाहू लागल्या. १९५५-५६ श्री. पेंढारकरसरांचे कोल्हापूर येथे बी. टी. पूर्ण झाल्यानंतर जून १९५६ पासून श्री. पेंढारकर सर विद्यालयाचे मुख्याध्यापक झाले.

    इ. ५ वी ते १२ वी पर्यंत त्यावेळी १४ वर्गात रौप्य महोत्सवी वर्षात ५५० मुले होती. तसेच ३५ जणाचा स्टाफ होता. १९७२ पासून खारेपाटण हायस्कूलमध्ये एस. एस. सी. परीक्षा केंद्रही झाले. मंडळाने जून १९५६ मध्ये इ. १० वीचा व जून १९५७ मध्ये इ. ११ वीचा वर्ग सुरु केला. १९५८ च्या मार्च मध्ये शाळेची पहिली १६ मुलांची तुकडी एस. एस. सी. परीक्षेला बसली. रिझल्ट ६६ टक्के लागला.

   अशा तऱ्हेने खारेपाटण येथे हायस्कूल काढण्याचे मंडळाचे ध्येय पहिल्या पाच वर्षांत साकार झाले. हे ध्येय साकार करताना मंडळाला अनेक अडचणी आल्या जागेचा प्रश्न सोडविण्यासाठी आणखी एक घर भाड्याने घेण्यात आले. तिसरे घर उपलब्ध नव्हते. म्हणून शेजारच्या स्मशान धर्मशाळेचे, शाळागृहात रूपांतर करण्यात आले. सरासरी हजेरीचा प्रश्न सोडविण्यासाठी दर वर्षारंभी गावोगाव फिरून मुले जमवावी लागत पैशांचा प्रश्न सोडविण्यासाठी पेठेत रोज ‘आणा फंड पेटी’ फिरवली जाई. शिवाय प्रत्येक अखंड नगावर एक पैसा याप्रमाणे पेठेत ‘पैसा फंड’ ही सुरु करण्यात आला.

    स्थानिक हौशी कलाकारांनी आरंभीची एक दोन वर्षे मदतीसाठी नाटके बसविली. विद्यार्थी, शिक्षक व स्थानिक कार्यकर्ते गावोगाव फिरून धान्य व छोट्या देगण्या गोळा करीत. श्री. अ. व्यं. ढेकणे, श्री. म. वि. फडके, श्री. म. ल. सप्रे, श्री. पोरे, डॉ. श्रीकांत राणे, डॉ. सोमण आदीचे प्रयत्न त्या दृष्टीने उल्लेखनीय आहेत. या सर्व धउपडीतून पहिल्या पाच वर्षात सुमारे तीस हजार रुपये उभे राहिले. जागा, मुले व पैसा, याप्रमाणे शिक्षकी सुलभतेने मिळत नसत व मिळाले तरी त्यांना भाड्याने घरे मिळणे मुष्कील होई. खेड्यातील गैरसोयीमुळे त्यांना टिकविणे कठीण जाई. पण या सर्व अडचणीवर मात करण्याचा मंडळाने यशस्वी प्रयत्न केला आणि विद्यालयाचे कार्य सुरळीत सुरू झाले. माध्यमिक विद्यालयाची विद्यार्थी संख्या सतत वाढतच राहिली.

   आपल्या विद्यालयात २०११ पासून माध्यमिक विभागासाठी सेमी इंग्लिश माध्यम सुरू करण्यात आले आहे. सध्या इयत्ता पाचवी ते दहावी पर्यंतचे मराठी व सेमी इंग्लिश माध्यमाचे एकूण दहा वर्ग सुरु असून ४७० विद्यार्थी शिक्षण घेत आहेत. यासोबतच वर्गखोल्या नूतनीकरणाचे काम सुद्धा सुरू आहे.

शिक्षक दिन

• सरस्वती पूजन २०२४
• वार्षिक क्रीडा स्पर्धा
• स्नेहसंमेलन
• वक्तृत्व स्पर्धा
• रांगोळी स्पर्धा व प्रदर्शन
• निबंध स्पर्धा
• एलिमेंटरी व इंटरमिजिएट ड्रॉईंग परीक्षा
• डॉ. होमी भाभा बाल वैज्ञानिक स्पर्धा
• राष्ट्रीय प्रज्ञा शोध
• शैक्षणिक सहली
• हरीत सेना
• राष्ट्रीय छात्र सेना
• स्काऊट गाईड
• शिष्यवùत्ती परीक्षा मार्गदर्शन
• शिष्यवùत्ती सराव परीक्षा
• पोषण आहार
• स्वच्छता मोहीम

• प्रथम घटक चाचणी
•  सहामाही परीक्षा
•  द्वितीय घटक चाचणी/ पूर्व परीक्षा
•  वार्षिक परीक्षा

प्रवेश पात्रता 

मागील इयत्तेत उत्तीर्ण

 आवश्यक कागद्पत्रे

गुणपत्रक (मूळ प्रत)

शाळा सोडल्याचा दाखला (मूळ प्रत)

आधार कार्ड झेरॉक्स प्रत

जात प्रमाणपत्र

दोन पासपोर्ट साईझ फोटो

   शिष्यवृत्ती

मॅट्रिकपूर्व भारत सरकार शिष्यवृत्ती

मॅट्रिकोत्तर भारत सरकार शिष्यवृत्ती

छत्रपती राजर्षी शाहू महाराज शिष्यवृत्ती

सावित्रीबाई फुले शिष्यवृत्ती गुणवत्ता शिष्यवृत्ती

अल्पसंख्यांक शिष्यवृत्ती

राष्ट्रीय प्रज्ञा शोध परीक्षा शिष्यवृत्ती

५वी व ८वी शिष्यवृत्ती